ترويقة كتير لايت [الأرشيـــــف]

مالك الحلبي

01/06/2008, 17:12

كنا قاعدين أنا ورفيقي بوعادل
عمنتلقوش بهالمحل
وعلى أساس معزومين على الغدا
وأبو عادل طلع بالساعة هديك التطليعة
وقالي: لسا في 3 ساعات يا أبو سمرة
قلتله : أــــــــــــــه والمعنى ؟
قالي : شو رأيك نروح عند عمك ابو عبده الفوال ، ونكسر الصفرة هيك على الخفيف يعني ، لبين ما يصير وقت العزيمة
قالته : أيه ما عندي مانع بس ما راح نتقل لانه معزومين على الغدا منشان الجماعة
وقالي : أتفضل
قلتلته : منتفضل
حملنا حالنا وقفلنا هالمحل ورحنا لعند عمكم أبو عبده الفوال
ونحنا ماشيين ووصلنا لحارة أبو عبده ولا قينا زحمة زحمة وعند أبو عبده زحمة زحمة أنبليفبل
قلتله : لك شوف الزحمة وين بدنا نعقد
رد علي رفيقي وقالي : ما تاكل هم هلق بتفضى طاولة أو هلق منزت فتاشة ومنقلهم حرامـــــــي حرامــــــــي بيركد الشعب كله لبرا
قلتله : لا لا مافي داعي طول بالك ، خلينا ناخد اراوند بيكون فضيتلا شي طاولة ، على كل قله خلي يحجزنا طاولة تكون مبحبحة شوي بيك سايز يعني
وعطينا التعليمات لأبو عبده
وقالنا : عطوا كف مغيب 10 دقايق ورجعوا - ماشاء الله على الزحمة الي عنده -

أنا رايح أعمل شاي بتعرفوا بعد الفول بده كاسة شوي منشان نشطف المعدة
ودقايق وبرجعلكم :sick:

مالك الحلبي

01/06/2008, 17:24

المهم يا جماعة رجعنا عند ابو عبده كان مجهزلنا الطاولة ومأنتكا وملمعا وعاملا بوليشة غير شكل
قعدنا على الطاولة
وأجا الصبي تبعه
قال مرحبا اساتذة شو بتأمرا بس ملحوظة هون ما عنا بيتزا وهامبرغر
هو شافنا متأنقين شوي وسينيه قام أفتكرنا من جماعة الباتون ساليه
قلناله : لا حبيبي لا نحنا جايين ناكل فول
قال: طيب شو بتحبوا تاكلوا أساتذة ؟
قلتله : شوف خويي أبو عادل
قالي : معقول أبو سمرة يكون موجود وأنا أطلب
هون الكرسون بدي يتململ مننا ويتفقفق وقال لحاله هدول جايين يتسلوا فيني
المهم
سألته لرفيقي أبو عادل : بتحب الفول بطحينة ولا بحمض
جاوبني : أيه توا يعني الاتنين - وعلى فكرة بو عادل كتير أكله خفيف ونازيك ومعدته صغيرة كتير
المهم ويا على هالكلمة شقد بقولها كل شوي المهمم
المهم
اندرت على الكرسون بكل روية وببرودة أعصاب : 2 جرة فول بطحينة و2 جرة فول بحمض .
هون الصبي ما أستوعب وتبلجم وقالي : أستاذ قصدك صحن بصحن ؟
قلتله : شو صحن ما صحن ابني عبقلك 2 جرة 2جرة بطحينة وبحمض
قالي الصبي : عفوا عازمين حدا شي يعني في كروب معكم في سفري في سياح يعني
قلتله : أبني ما تاكل هم جيب اربع جرر فول الله يرضى عليك بسرعة
وراح الصبي وقف جنب معلمه وعبيوشوشه ومفنجر عيونه عبيطلع فينا هو ومعلمه
تقول طلبنا حشيش
ما نحنا يا جماعة جايين نتروق مو جايين نفطر وجبة
لايت لايت يا جماعة

وبرجعلكم

هدوء البحر

01/06/2008, 17:34

مو على اساس معزومين و وبدكم تاكلوا على الخفيف

ليش هيك عميصير

اربع جرر وين بدك تروح فيهم

مالك الحلبي

01/06/2008, 17:35

المهم
اجا لعنا هالمعلم
وقال عفوا شباب ممكن تعيدولي الطلبات
هـــــوهــــــــو علينا
ما قلنالك يا عمي بدنا جرتين فول بطحينة وجرتين متلهم بحمض شو كيميا الشغلى
بحلق فينا هالمعلم
وقال ايه تكرموا دقايق بيكون طلبكم جاهز
قعدنا نستنى
وبتعرفوا صبيان المحل كتار
فمرق واحد من جنبنا وأستلمه ابو عادل
قاله : في عندكم حومص يا ابني
قاله الصبي : نعم عمو نعم
قاله ابو عادل : نزلنا شوية حمص على الطاولة نسقسق شوي
راح الصبي طالع طشط كبير هالقد قده ومرق من جنبنا وهو شايل هالطشط
وسأله أبو عادل : وين داقق بهالطشط ورايح
قاله الصبي : رايح أسكبلكم صحن حمص
قاله شأبو عادل : شو تسكبلنا ما تسكبلنا عنك شوي حبيبي نزلي الطشط على الطاولة وجبلي 3 طاولات نلزقهم ببعضهم لأنه عبيديق خلقي من هالطاولة الصغيرة يا أبني هي ما بتسع ما بتسع شي هي
وقاله أبو عادل بطريقك حبيبي جبلي تنطة زيت تكون مختومة ومتل ما بتعرف بدنا نغوص بهالحمص والحمص ما بيتاكل ناشف
وراح الصبي وهو مجلوط وعبيشوبر بأيديه وجفلان
وأنا دقيت بصبي تاني
قلتله : شو هالجوال ألي جنب الطاولات
قالي : جوال بصل عمو
قلتله : على السريع أبني قشروا قشروا كله ابني قشر
وجندلك كم صبي معك لأنه مستعجلين
وقلتله بطريقك سحارتين بندورة منشان ما نتقاتل أنا وخويك بو عادل
لأنه منحب البندورة
لا تفرموا لا تفرموا
منقحما حاف

برجعلكم شوي

مالك الحلبي

01/06/2008, 17:51

وأبو عادل وقاله للصبي ألي داقق بتنطة هالزيت وجايبها : حبيبي في عندكم فليفلة حدة
قاله الصبي : أيه عمو بيلتقالوا كم قرن
بوعادل: شو كم قرن يا أبني حبيبي بتطلعلي على الخضرجي الي جنبكم شفتح حاطط زمبيل فليفلة بتدق بهالزمبيل بتغسله وبتجيبه رأسن يلا ابوي يلا
وراح الولد وعبعص على السنانينه وعبيعص على ايديه
وأخيرا أجو جرر الفول
حط يا أبني على الطاولة
وقال أبو عبده أحطلكم صحون ومعالق
قلتله : لا لا مافي داعي بس أنت مو غرقت الفول بالزيت
أبو عبدو : أيه حطيتلكم بكل جرة نص تنكة زيت
قله ابو عادل : على كل جهز تنكة زيت أحتياط
ابو عبده : ما عندي
ابو عادل : روح عند السمان جارك في عنده أسناولنا تنكة
وقلتله أنا : عفنا الكفكير تبع الجرة وبدنا كفكير تاني لأبو عادل
أسمعته عبيبتبت وبيقول : ما ناقص غير أجبلهم كريك
قلتله : عفوا شو عمتقول أبو عبده
أبو عبده : لا أنا عبقول أهلا وسهلا فيكن إذا لازمكم شي تاني
أبو عادل : أيه لازمنا بدك تجبلنا صينية صغيرة منشان الطعمة فيا شي مية ميتين قرص وعليهم شوية طحينة ، منشان الدوقة مو أكتر
وراح أبو عبده عبيبربر وبيحكي مع حاله
المهم
ونحنا بلشنا ناكل
وبعد هالأزدحام الشديد وأنا ماسك الكفكير وعبغرف بهالجرة وباكل
طلعت على يميني
لاقيت العالم طفشوا وما بقي حدا مع أنه كان زحمة كتير حتى صنعية المحل طفشوا
ما بقي غير صاحب المحل وقاعد ماسك هالتلفون وعبيدقدق تلفونات وما عبعرف لمين عبيدقدق
المهم قلت شو بدي بهالحكي
خليني أكل وأتهنى
وما ألاقيلكم إلا خلصوا جرات الفول تقول ماراتون أنا أبو عادل
وهوني دقيت بجرتين فول وقمت عند ابو عبده
وطلع فيني أبو عبده وقال : إن شاء الله صحتين وألف هنا
قلتله : لا أنا جاي منشان تصلحلي
أبو عبده : شو أصلحلك
أنا : الجرتين لأنه متل مالك شايف الجرتين بيبيه أخوي الصغير ما بيرضى ينقنق أو يلحوس أصابيعه فيهم
ابو عبده : المشكلة ما بقى عندي فول
أنا : له غير بدل شو طابخ اليوم لشخصين بس يعني
قالي : هيك شي وحسيت عبيقولها متل القطة عمتنوي
قلتله ماشي ماشي الحال قلت بحالي بكمل حمص وفلافل وأمري لله
أنتفض خويي أبو عادل وقال : ما بيصير هيك أبو عبده كنت تحكي من الأول أني ما عندك فول !!! يا أخي كنا رحنا لعند الطرابيشي وأكلنا مامونية بس نحنا جينا ناكل فول على هالأساس ....
هل تصور نحنا جايين نفطر مو نتروق شششو كان صار بيحالنا
بعدين تعا لهون وين الخبز !!!!!!!!

مالك الحلبي

01/06/2008, 17:58

وين الخبز ؟
كيف بدك يانا الحمص والفلافل بدون خبز
شو حاسين حالنا عمنطقطق كريبات !!!!!!!!
بعات لأشوف على خبز
ابو عبده : تكرموا تكرموا شباب
وراح جايب أربع ربطات خبز
قلتله : من كل عقلك أبو عبده بتم مين هدول بينحطه ، الفرن جنبكم روح قله الشباب عندي عبتروقوا
وراح الزلمة صرخ لصانع الفران وسمعته عبيقله : بتوقفلي المبيع اليوم لأنه في عندي اتنين حابين يتروقوا فالله يرضى عليك بتحول ضخ الفرن لهون لمدة ساعة على الأقل ...
وسخروا جهودهم بالفرن وحولو أنتاجهم لعند أبو عبده ...........

مالك الحلبي

01/06/2008, 18:06

المهم
ابو عبده رجع على التلفونات
ونحنا عمنغرف ببطشط الحمص ومنصب بالهزيتات ومنقرمش بهالفلافلات
ومنقرط فجل وفليفلة ومنقحم بهالبندورة
وبعد شوي عم هدوء ماو طبيعي وما عاد سمعنا شي
وفجأة
واوي وا واي وا وي
واجتكم سيارة اسعاف وسيارة أطفاء
وقالي ابو عادل : يا لطيف شوفي عجب شو القصة عجب
بس الغريب صفوا قدام باب المحل
واجوا وراهم شي 3-4 سيارات صفوا
وشي صحافة مكتوب على السيارات وشي سانا وشي غنس ما عبعرف شو القصة ما عبعرف
ونزلكم كادر طبي مع شلة ممرضات وشي خمسة ستة رجال أمن
وقعدوا كلهم يبحلقوا فينا أنا وأخوكم أبو عادل
وهمزلي أبو عادل : شوفي شو القصة لافي أسعاف ولا حريقة هدول ليش جايين
المهم ضلينا عمناكل ومنغمس هالحمص والزيت عبيشرشر من كواعنا
وأشتغل لقط الصور والريكودر عبيسجل ,انفتحت هالكميرات وشي ديجتال وشي ما بعرف شو
والكل فاتح تمه ومفنجر عيونه
وابو عبده قاعد عميأشرلهم للعالم على هالجرتين الفول الفاضيات

sandra

01/06/2008, 18:17

انو يعني بلا مقطوع حديثك يا مالك لان شكلا السيرة طويلة واذا رح استناك لتخلص بيجوز انسى شو رح قول
لا تشرب شاي بعد اكل الفول
بيسحب الحديد من الجسم
وهي نصيحة ببلاش

.........
اخ على صحن فول بحمض هلا :sick:

هدوء البحر

01/06/2008, 18:18

سلسلة حلقات فول حلبي

مالك الحلبي

01/06/2008, 18:21

المهم مالكم بطويلة الكم بالمعنقة
وهون وقفنا عن الترويقة
وقالي ابو عادل: حاجتنا يا ابو سمرة لأنه في عنا عزيمة غدا بعد ساعتين بيكفي ......
وقمنا غسلنا أيدينا ورحنا عند أبو عبده وتخانقنا علىالحساب ومين بده يحاسب
فنط أبو عبده قال : واصل شباب اليوم بضيافتنا
قمت قلتله : بقبل بقبل ما بقبل
قاله : أبو عادل ما في مشكلة اليوم بضيافتكم بس بكرا راح ندفع
بيجاوبه أبو عبده : بكرا مسكرين
قمت قلتله : يكون بعد بكرا
قالي أبوعبده : يمكن هالشهر كله مسكرين أحتمال كبير لبقية السنة حتى ...
ابو عبده : يمكن ديكور يمكن نوسع الطاولات يمكن نبطل المصلحة كلها
قلتله : غريب مع أنه فولكم طيب كتير ليش تبطلوا المصلحة ؟
ما رد علي تنهد تنهد وشهق هديك الشهقة وأفتركته راح يموت....
المهم نحنا طالعين وكبس الصور شغالة والعالم عبتطلع علينا وفي دكتور عبيطلع فينا ويطلع على بطنا ويبحلق وإلا شوي بده يحطنا بالتزكة
المهم
ونحنا رجعانين
قلتله لأبو عادل : هون في أخوه لأبوة عبده وجاره وبيبيع بيتفور وكيك وكروسانات أنا برأيي ناخدنا تشكيلة سبع تمن كليات ونحلي فيهون مع الشاي ليصير وقت العزيمة
قلي : أوك ما في مشكلة
بس تفاجئنا أنه الزلمة وهو عبيطلع علينا من بعيد نط هديك النطة متل طرزان ونط وتعلق بالدرابية وشمطها هديك الشمطة وقفل الغلق
وهو عمبيطلع فينا وعبيتبت وجابها ركدة
قلناله : أستنا أستنا بدنا شوية بيتفورات
بس ما رد علينا
طيب ليش يا ترى
وبدي أسألكم سؤال أبو عبده قاله شي لأخوه أبو البيتفور لحتى أنهزم
المهم
وتلفتنا حوالينا ما شفنا حدا بالحارة تقول البشر فص ملح وداب تقول عدم تجول
قلتله لأبو عادل : راحت علينا التحلاية
ابو عادل : ما تاكل هم هلق منروح على الطرابيشي مندق بصينيتين بسبوسة ونحكيلم بأخوية
ليش هيك صار
يعني ليش سكر البيتفور وليش هالعالم أجت وفضيت الشوارع كلها
وهذا الأستفسار ألي عبستفسروا أنا وأبو عادل ؟؟؟؟
يا هالترى عندكم تفسير لهالمعضلة ؟؟؟؟
هاتو لأشوف ؟؟
فسرولي ليش هيك صار معنا ؟؟؟؟
وتقبلوا تحياتي وتحيات بوعادل (أبيض أسود)
:D
:sick::sick:

karim94

01/06/2008, 18:23

نيالك صرت مشهور من ورا أكل الفول:lol:

مالك الحلبي

01/06/2008, 18:27

هلق اهلا وسهلا فيكن
ليش هيك صار معنا
يعني عيب ياكل فول يعني
شو القصة فهمونا

sandra

01/06/2008, 18:32

simsima57

01/06/2008, 18:34

بلي خلئني انت رهيب

بس سؤال منشان الخبزات ....
ئبل ما يحددو عدد الربطات ولا بعد ؟؟؟؟؟

..AHMAD

01/06/2008, 18:37

اخ على صحن فول بحمض هلا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

وكاسة شاي بعدو :lol:

مالك الحلبي

01/06/2008, 18:37

على فكرة رفيقي بو عادل ( ابيض أسود ) مسجل هون بأخوية من شي شهر
ولحد الان ما اجا رد منشان القبول
فيا ريت تتعاطفوا وتتأزروا معه وتنظرولوا بعين الأعتبار لانه كتير حابب يشارك بهالمنتدى
فيا ريت الأدارة الكريمة والشباب الطيبة
ينظروا بعريضة التظلم تبعيته
لانه هو مستاء وطال صبره
وعبيفش قهره بجرر الفول

أبيض أسود:D

simsima57

01/06/2008, 18:38

بس والله ما معون حئ

يا اخي طبيعي .... شو الواحد ما بيتنئرشلو شي شوي

والله غريب !!! كيف العالم صايرين ؟؟؟؟

مالك الحلبي

01/06/2008, 18:39

مو على اساس معزومين و وبدكم تاكلوا على الخفيف

ليش هيك عميصير

اربع جرر وين بدك تروح فيهم
ومين قالك أني هي فطور هي ترويقة يا عمي
شي خفيف
حبينا أن نسكت جوعنا
:D

sandra

01/06/2008, 18:40

اي لاااا
إذا هيك أنا كمان بطالب الإدارة بقبول بو عادل
لأان اذا ما انقبل رح يفضي حلب من الفول :sick:

sandra

01/06/2008, 18:41

وكاسة شاي بعدو :lol:
مع انو مو منيح الشاي بعد الفول
بس طيب
:pos:

مالك الحلبي

01/06/2008, 18:42

يمكن فكروكم جايين من بلاد الجوع .... وخافوا تبدو تاكلو اكل بقية العالم او تاكلوهم بطريقكم متل تحلاية :p
انو جرتين بحمض وجرتين بطحينة
وما في كلمة ساندرا تفضلي :frown:
انا ما بدي غير صحن واحد يعني كان بيكفيني

يا ساندرا يا عيوني
ما بعتقد ان هيك فكر
يعني اربع جرر فول ما بينحكا عنا
ومنشان كلمة تفضلي الزلمة نفق لا تواخزيني
بس ولو لعيونك
إذا سكر أبو عبده الفوال في عنا القصاص بكرا منغزي لعنده
وأحلى عزيمة على جرة فول أنت بس أمري
:D

مالك الحلبي

01/06/2008, 18:44

نيالك صرت مشهور من ورا أكل الفول:lol:
يا كريم
لك أنا إذا بتحلل دمي بيطلع
Aفول أيجابي
على راسي يا غالي
ألك عندي عزيمة فول أنت والي بتحبه
:D

sandra

01/06/2008, 18:45

يا ساندرا يا عيوني
ما بعتقد ان هيك فكر
يعني اربع جرر فول ما بينحكا عنا
ومنشان كلمة تفضلي الزلمة نفق لا تواخزيني
بس ولو لعيونك
إذا سكر أبو عبده الفوال في عنا القصاص بكرا منغزي لعنده
وأحلى عزيمة على جرة فول أنت بس أمري
:D

ميرسي ميرسي خجلتوني :oops:
ما يأمر عليك ظالم
بكرا لكن عندنا غزوة جديدة وما بدي جرة بس بدي صحن واحد وجنبو قرصين فلافل

............
بس صحني الي لحالي ما حدا بيقرب عليه

مالك الحلبي

01/06/2008, 18:48

بلي خلئني انت رهيب

بس سؤال منشان الخبزات ....
ئبل ما يحددو عدد الربطات ولا بعد ؟؟؟؟؟

يقبرني على هالمداخلة
بس لمعلوماتك
نحنا جماعة كتير نازيك وكلاس
شفتي شقد أكلنا
صدكا صدكا ما عبينا زيق المعدة
متل ما قلت لايت

هالقصة صارت اليوم يعني بعد ما حددوا عدد الربطات
لسا من شوي جينا من عند ابو عبده الي سكر
:D

مالك الحلبي

01/06/2008, 18:52

اي لاااا
إذا هيك أنا كمان بطالب الإدارة بقبول بو عادل
لأان اذا ما انقبل رح يفضي حلب من الفول :sick:

هلق الزلمة قاعد جنبي
وبحييكي كتير كتير
بيقلك يلا همتك وهمة الشباب
منشان نرفع عريضة للأدارة
وعزيمة الفول على حسابه

على الهامش : في شي ريحة بصل وصلانة للمنتدى ؟؟:cry:

:D

simsima57

01/06/2008, 18:53

يقبرني على هالمداخلة
بس لمعلوماتك
نحنا جماعة كتير نازيك وكلاس
شفتي شقد أكلنا
صدكا صدكا ما عبينا زيق المعدة
متل ما قلت لايت

هالقصة صارت اليوم يعني بعد ما حددوا عدد الربطات
لسا من شوي جينا من عند ابو عبده الي سكر
:D

والله بعرف انكون نازيك بدك تخبرني عنك
يا اخي في امور بالحياة من البديهيات
ما بدا تنين ولا تنتين يحكو فيا ;)

بس انو ما شهيتني على شوية حمص وفول ولا الفلافل.... ااااااااااااااااااه:cry:

هون بيعملو الفلافل "بفول" ..... ما بعرف شو طعمتو:shock:

:D

مالك الحلبي

01/06/2008, 18:55

بس صحني الي لحالي ما حدا بيقرب عليه

لعيونك صحن صحنين ما يخالف
هلق دقيت للزلمة الجديد الي بدنا نتعامل معه
وحجزت المطعم يعني الفولات
بس منشان نشبع هالمرة على المظبوط
لانه ما بحب اقوم بنص بطني :shock:
جهزي حالك على العزيمة

karim94

01/06/2008, 18:55

يا كريم
لك أنا إذا بتحلل دمي بيطلع
Aفول أيجابي
على راسي يا غالي
ألك عندي عزيمة فول أنت والي بتحبه
:D

بعتلي صحن عالإيميل .....:eat:

sandra

01/06/2008, 18:56

هلق الزلمة قاعد جنبي
وبحييكي كتير كتير
بيقلك يلا همتك وهمة الشباب
منشان نرفع عريضة للأدارة
وعزيمة الفول على حسابه

على الهامش : في شي ريحة بصل وصلانة للمنتدى ؟؟:cry:

:D
اي سلملنا عليه :D
وما بعرف اذا في ريحة بصل لأن انا ما عم شم منيح .... جيراني مدري شو طابخين!! الريحة دبحتني
بس انو ما انتبهت كم كيلو بصل اكلتو
بكل الاحوال خدلك حبة زاهي
مع زاهي كول بصل وانسى اللي حصل :larg:

مالك الحلبي

01/06/2008, 18:58

والله بعرف انكون نازيك بدك تخبرني عنك
يا اخي في امور بالحياة من البديهيات
ما بدا تنين ولا تنتين يحكو فيا ;)

بس انو ما شهيتني على شوية حمص وفول ولا الفلافل.... ااااااااااااااااااه:cry:

هون بيعملو الفلافل "بفول" ..... ما بعرف شو طعمتو:shock:

:D
والله أشتهيتك
واشتهيت كل الأخوية
بس المشكلة من أول طلب الاخ نفق
شفتي على هالخدمة
يحضر حاله
طلب صغير متل هاذ يقلي بعده نفقت
مو حكي
على كل انا راح اعزمك وكل الي بتحبيه
تكرمي
تكرمي
اهلا وسهلا
:yahoo:

هدوء البحر

01/06/2008, 18:58

مالك الحلبي

01/06/2008, 19:02

اي سلملنا عليه :D
وما بعرف اذا في ريحة بصل لأن انا ما عم شم منيح .... جيراني مدري شو طابخين!! الريحة دبحتني
بس انو ما انتبهت كم كيلو بصل اكلتو
بكل الاحوال خدلك حبة زاهي
مع زاهي كول بصل وانسى اللي حصل :larg:

وصل وصل
بيقلك الله يسلمك :D

أكلنا جوال بصل
يعني عشرين او خمس وعشرين كيلوا
ما قدرت بشكل نزامي
وبالنسبة للزاهي
رحت جبت تلات علب زاهي وفاهي وحافي
وما أستفدنا على شي
عبيخطر على بالي أروح أدقلي بكم كيلو بوظة
وناكلهم ومنبورد
على قلبنا
إذا الك مصلحة قومي تفضلي
:p

simsima57

01/06/2008, 19:04

والله أشتهيتك
واشتهيت كل الأخوية
بس المشكلة من أول طلب الاخ نفق
شفتي على هالخدمة
يحضر حاله
طلب صغير متل هاذ يقلي بعده نفقت
مو حكي
على كل انا راح اعزمك وكل الي بتحبيه
تكرمي
تكرمي
اهلا وسهلا
:yahoo:
تشتهيك العافية الهي

والله يا اخي انت كفو :adal:
بس ما بصير هيك لازم تناقشو الوضع بحلب :pos:
يعني اربع جرار فول وطشت حمص بينفق المحل :pos:
لاااااااااااا هدا ما حكي ابدا:jakoush::jakoush::jakoush:
خلص لئتلك ياها .... :larg:مشروع رفيئك شيت النص مليون يورو
بيفتح محل فول وحمص :o
بيمولو بكميات هاااااااااااااااائلة
ولا منية ابو عبدو:p

مالك الحلبي

01/06/2008, 19:05

حط هي الملاحظة بالبريد اخوية

تحياتي وعبقال ما تحكيلنا قصة اكلة شي فتة

هي هيك بركي منحط الايميل بالبريد وبيتفعل أن شاء الله

أن شاء الله القصص شغالة والموتور عبيشتغل

بس هلق الفول بدي مفعوله

بقا رايدين نحط كراسي برا ونشرب قهوة

لأنه المحل غبق من ريحة البصل

قال : كول بصل وأنسا الي حصل :o

sandra

01/06/2008, 19:08

و
عبيخطر على بالي أروح أدقلي بكم كيلو بوظة
وناكلهم ومنبورد
على قلبنا
إذا الك مصلحة قومي تفضلي
:p

اي لوين رايحين عند سلورة ؟؟؟
يلا انتظروني او اذا مستعجلين اسبقوني وانا بلحقكم
لان اكيد قعدتكم مطولة عندو :p
بس بالاول امنو على طلبيتي ....... بدي بوظة شوكولا :yahoo:
وبعدين انتو طلبو اد ما بدكم

مالك الحلبي

01/06/2008, 19:11

تشتهيك العافية الهي

والله يا اخي انت كفو :adal:
بس ما بصير هيك لازم تناقشو الوضع بحلب :pos:
يعني اربع جرار فول وطشت حمص بينفق المحل :pos:
لاااااااااااا هدا ما حكي ابدا:jakoush::jakoush::jakoush:
خلص لئتلك ياها .... :larg:مشروع رفيئك شيت النص مليون يورو
بيفتح محل فول وحمص :o
بيمولو بكميات هاااااااااااااااائلة
ولا منية ابو عبدو:p

خلص خلص
بالنسبة للموضوع والفكرة حبيتها
راح أحطها براس القائمة
ونفتح محل فول وحمص وفلافل وتقية والذي منه
وبالنسبة لأبو عبده
أنا اليوم كتير مزعوج منه وقطعتله كرت أحمر
لبين ما أحصل غيره بركي القصاص
بس بخاف ما يتعمم أسمنا وصورنا :shock:
وما حدا يستقبلنا :cry:

:D

مالك الحلبي

01/06/2008, 19:16

اي لوين رايحين عند سلورة ؟؟؟
يلا انتظروني او اذا مستعجلين اسبقوني وانا بلحقكم
لان اكيد قعدتكم مطولة عندو :p
بس بالاول امنو على طلبيتي ....... بدي بوظة شوكولا :yahoo:
وبعدين انتو طلبو اد ما بدكم

هلق سلورة جاري
وبما ا،ه جاري
معناتا بيعرفني
وبما أنه بيعرفني
أكيد بده يقلعني
لأنه وقت بيشوفني بيغط على قلبه وبيتكهرب
بتعرفي كون الجيرة ألها على الجيرة
وأنا رايجاي عبلحس بهالبوظة
وبكل بهالساقاطات الحلو ببلاش
بقا منشان هيك
مالي ضمنان سلورة
بس عمفكر نوصي عند ماستر يالسليمانية
إذا بيعجبك يعني
:gem:

sandra

01/06/2008, 19:20

هلق سلورة جاري
وبما ا،ه جاري
معناتا بيعرفني
وبما أنه بيعرفني
أكيد بده يقلعني
لأنه وقت بيشوفني بيغط على قلبه وبيتكهرب
بتعرفي كون الجيرة ألها على الجيرة
وأنا رايجاي عبلحس بهالبوظة
وبكل بهالساقاطات الحلو ببلاش
بقا منشان هيك
مالي ضمنان سلورة
بس عمفكر نوصي عند ماستر يالسليمانية
إذا بيعجبك يعني
:gem:

اي منيح بس غالي حسب ما بتذكر :sick:

حلبي

01/06/2008, 19:33

حول على الطرئجي

و مافي أحلى من حلويات الطرئجي

و صحة و هنا أبو سمرة :D

مالك الحلبي

01/06/2008, 21:54

نحنا منشان نوثق الاحداث
أول شي بدي أحط صورتي
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
وصورة أبو عادل
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
وهي صورة الفوال بعد ما طلبنا الفول
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

sandra

01/06/2008, 22:00

:shock:

:o

:lol:

مالك الحلبي

01/06/2008, 22:03

حول على الطرئجي

و مافي أحلى من حلويات الطرئجي

و صحة و هنا أبو سمرة :D

يا سيدي صدقت أبو حلب
الطرقجي فلجة
أه على صينية أم النارين هلق
أو
كنافة مفروكة
:D

حلبي

01/06/2008, 22:12

يا سيدي صدقت أبو حلب
الطرقجي فلجة
أه على صينية أم النارين هلق
أو
كنافة مفروكة
:D

بس بأعتبار أنو أرب الصيف و الجو شوي ديفي بدك تحسب حسابك بشي كم مخمد أو مكمد للسخونة لأنو الحلويات للشتى :D

مالك الحلبي

01/06/2008, 22:17

أبو حلب
بالنسبة للمعدة متمسحة
الله وكيلك ترسانة من فولاذ
والحمد لله
حلو حامض لفان ميليح
يعني شغالة على كافة الأصدة

ما تاكل هم كله تمام
العصارات شغالة 100/100
بتعرف أنه هلق
طالعين أنا وخويك بو عادل
رايحين ناخد وجبة خفيفة
وصينا عليها من شوي من الأمير بلاص
عبارة عن
خاروفين مكتفين
وتحته منسف رز الي بحبه قلبك
قوم تعا لحق حالك
لأنه يا بتلحق يا ما بتلحق 24/24

حلبي

01/06/2008, 22:20