-
PDA

عرض كامل الموضوع : / الــــــــــ ع ـــــــــــصفوريـــــه /


صفحات : [1] 2

طفوله
19/05/2008, 22:43
1-الادب الساخر وسيلة لنقد حالة اجتماعية او سياسية باسلوب ساخر دون التعرض بالاساءة للشخصيات



2- المواضيع ذان الطابع الضاحك او التهريجي تكتب في قسم ( عالطاير ) او ( الملطوشات )



3-الالتزام بالأدب الفكري و عدم التعرض للمقدسات وخدش الحياء



4-الادب الساخر يشتمل على ابداعات الاعضاء من( خواطر . قصص قصيرة . مقالات .. الخ ) التي تتناول المواضيع بنقد ساخر ضمن السياق الادبي



5-التزام الاعضاء بالنقد البناء للموضوع دون قلب الموضوع لمكان للمهاترات او للاحاديث الجانبية



6-في حال لم يكن الموضوع من ابداعات الاعضاء توجب كتابة اسم الكاتب الاساسي إذا كان منقولا من احد المنتديات فيمكن الاكتفاء بعبارة ( منقول )





ثالثا: الاعتراضات ..



1-في حال وجود مايتنافى وقواعد الكتابة الادبية والضوابط المبينة يرجى التبليغ عن المشاركة باستخدام زر (مشاركة عاطلة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) ) الموضح اسفل صورة العضو




- في حال التكرار وعدم الالتزام بالضوابط سيتم مخالفة العضو وحذف المشاركة










تلبيه لمتطلبات العصر...ولدعوة ابو سليمان





وتجنبا لتــهمــة و تكاليف التحشيش





افتتحنا الجمهوريه العصفوريه





هون ما بيحكمكـ الزمان والمكان




العتب مرفوع ..




ســـــنعود مع



*نبلاء اخر موضه*




في حلقات




حرية المشاركه للجميــع

abosleman
20/05/2008, 00:10
بانتظارك ..... :D

المحارب العتيق
20/05/2008, 02:23
كان الملك يجلس مع مستشاريه ومعاونيه في حارتهم الصغيرة .. يناقشون أحوال البلاد والعباد في تلك الحارة.. وكان أخر مايناقشونه .. هو مايجري في منزل جار لهم .. من أقتتال بين الأشقاء .. حيث كان الأشقاء يستقوون على بعضهم كل بصديقه .. وصديق كل واحد من الأخوة كان من حارة مختلفة .. لم يكن يخفى على أحد .. أن الأخ الصغير في ذلك المنزل .. والذي لم يكن له أي دور في مشاكل المنزل الماضية . الا في أخر مشكلة حيث كان حديث الولادة .. قد أصبح كبيرا وقويا .. ومستفيدا من قوى صديقه التي باتت منتشرة في جميع الحواري القريبة .. أخذ المستشاريين يناقشو الأمور بين بعضهم .. بعد أن أمرهم الملك بذلك .. كان أغلب المستشارين فرحين بأنتصار الشقيق الصغير . لأنه قريب منهم .. لكن عندما عاكس البعض وجهة النظر تلك .. ورأو بأن النقاش يجب أن يكون من جميع الزوايا .. ويجب أن ندرس مستقبل الأخ الصغير أن أستمر هكذا .. خاصة أنه لايزال مراهقا .. وماقد يحصل من نقمة عند باقي الأشقاء وحتى باقي الحارات أن أعلنا كامل دعمنا للشقيق الصغير ضد أخوته .. فثارت حمية باقي المستشارين .. وثارت حمية المعاونين .. وبدأو بالشتم .. كل طرف يتهم الطرف الأخر .. أنت عميل بل أنت حقير.. وأنت وأنت وأنت ..
وأنا كنت أجلس هنا بالعصفورية .. أراقبهم وأقول في نفسي .. ماحاجة الملك لهم ان كانو على رأي واحد ؟.. ولماذا جمعهم الملك أن كانو على رأي واحد ؟ .. فالرأي الواحد لايحتاج الى معاونين ومستشارين لأنه واحد .. وان كانت تلك مهنتهم .. وكل واحد منهم يحب حارته ويتمنى السعادة والأزدهار لها .. فلما يسبون ويهاجمون بعضهم ؟ .. متى كان أختلاف وجهات النظر خطأ . أو يفسد للود قضية ؟ .. أم أن المفروض لكل أجتماع ونقاش أن ينتهي بالتصفيق ؟ .. بعد أن أخذوا يصفقو لبعضهم .. كلهم ينتمون لتلك الحارة . وكلهم يحبونها ويتمنون خيرها . ولكل واحد منهم تجربته ورأيه ووجهة نظره ... فلماذا يتناقشون هكذا ؟
فكرت كثيرا .. فلم أجد جوابا . غير أن ماتعلموه من مشكلة البيت المجاور .. هو الشجار فقط...... عجبي

عاشق رويدا
20/05/2008, 02:27
ايش العزف المنفرد هاد....رائع
تحياتي...:D

طفوله
25/05/2008, 21:17
بانتظارك ..... :D




ع الساحه مباشر ..مافي داعي للانتظار


:D



كان الملك يجلس مع مستشاريه ومعاونيه في حارتهم الصغيرة .. يناقشون أحوال البلاد والعباد في تلك الحارة.. وكان أخر مايناقشونه .. هو مايجري في منزل جار لهم .. من أقتتال بين الأشقاء .. حيث كان الأشقاء يستقوون على بعضهم كل بصديقه .. وصديق كل واحد من الأخوة كان من حارة مختلفة .. لم يكن يخفى على أحد .. أن الأخ الصغير في ذلك المنزل .. والذي لم يكن له أي دور في مشاكل المنزل الماضية . الا في أخر مشكلة حيث كان حديث الولادة .. قد أصبح كبيرا وقويا .. ومستفيدا من قوى صديقه التي باتت منتشرة في جميع الحواري القريبة .. أخذ المستشاريين يناقشو الأمور بين بعضهم .. بعد أن أمرهم الملك بذلك .. كان أغلب المستشارين فرحين بأنتصار الشقيق الصغير . لأنه قريب منهم .. لكن عندما عاكس البعض وجهة النظر تلك .. ورأو بأن النقاش يجب أن يكون من جميع الزوايا .. ويجب أن ندرس مستقبل الأخ الصغير أن أستمر هكذا .. خاصة أنه لايزال مراهقا .. وماقد يحصل من نقمة عند باقي الأشقاء وحتى باقي الحارات أن أعلنا كامل دعمنا للشقيق الصغير ضد أخوته .. فثارت حمية باقي المستشارين .. وثارت حمية المعاونين .. وبدأو بالشتم .. كل طرف يتهم الطرف الأخر .. أنت عميل بل أنت حقير.. وأنت وأنت وأنت ..
وأنا كنت أجلس هنا بالعصفورية .. أراقبهم وأقول في نفسي .. ماحاجة الملك لهم ان كانو على رأي واحد ؟.. ولماذا جمعهم الملك أن كانو على رأي واحد ؟ .. فالرأي الواحد لايحتاج الى معاونين ومستشارين لأنه واحد .. وان كانت تلك مهنتهم .. وكل واحد منهم يحب حارته ويتمنى السعادة والأزدهار لها .. فلما يسبون ويهاجمون بعضهم ؟ .. متى كان أختلاف وجهات النظر خطأ . أو يفسد للود قضية ؟ .. أم أن المفروض لكل أجتماع ونقاش أن ينتهي بالتصفيق ؟ .. بعد أن أخذوا يصفقو لبعضهم .. كلهم ينتمون لتلك الحارة . وكلهم يحبونها ويتمنون خيرها . ولكل واحد منهم تجربته ورأيه ووجهة نظره ... فلماذا يتناقشون هكذا ؟
فكرت كثيرا .. فلم أجد جوابا . غير أن ماتعلموه من مشكلة البيت المجاور .. هو الشجار فقط...... عجبي




:D



ايش العزف المنفرد هاد....رائع
تحياتي...:D




:D






سلسلة النبلاء


/1/ الكـــــذاب



/2/ الــــحرامي



/3/ النـــــدل



/4/ الضـــحيه




وتــــطول القائــــمه ....

طفوله
25/05/2008, 22:06
*الكذاب *


بلشت فيه رغم كان عندي شغف ابلش بالحرامي ..بس ضرورة الحاله ...

نحنا هون عم نحكي عن بنيه تحتيه للعصفوريه..ماعم نلعب

هاد الانسان الكذاب ..لازم نعطيه اعتذار ...عن كل الي ظلموه ع مرّ العصور ..

اسس /علم كبيــر/ ...وصار للكذب الوان ..نكهات ..سلسه للوصول للقمه ..و خدم الوطن ..!! اي خدم الوطن ..بيشكل ماده خام رئيسيه ومتوفر بكل الاحجام ومجانا ..وخدم جبهات الحياه الاقتصاديه والاجتماعيه والسياسيه والعلميه


الي بيئلكـ

حبل الكذب ئصير...

ئلو كان زمان ..

صار طويل ..وصرنا نعمل استيراد وتصدير



الي بينصحكـ


فلان كذاب ..خود واحد بالميه من كلامو وكب البائي...ئلو انته الكذاب ..

لانو لو بدك تنصحني كنت ئلتلي هاد كذاب خود الــ 99% من كلامو ..مشان تعرف تتعامل معو وكب الواحد بالميه


*الوان الكذب ..

ابيض ..هي للمبتدئين ..وباشرو بمرحلة التبرير البريء


اسود ..هي بيكون الي عم يكذب مو محترف ..بيحث بيدخل عليك مباشرة بكذبه ضخمه ..وبدون ما يعمل تدرج ..او تمهيد مع لفه ودوره


احمر ..هاد بيكون آخد عليه اللون الاحمر زياده.. ومستحمرك زياده...


طبعن ادخلو الون جديده ..بس هي محسوسه غير ملموسه ..



*نكهات الكذب


اهم عنصر ..هوه البهار ..مشان ما تحس بزنخة او شي مو منيح لا قدر الله ..لانو هنن جماعة حنان ..بيخافو عليكـ

بس لوهله بتحس جسمكـ صار عباره عن عطّار من كتر البهار


كذبه بسكر ...بحيث بحسسك بحلاوة الايمان بالكذب ..


كذبه مره..بحسسكـ بكفركـ وضريبة عدم ايمانكـ فيه



*سلسة الوصول للقمه


المرحله البدائيه ...هيه *فن التئسيم* ...بحيث بتعمل دمج بين الي صار والي ما صار ..وغالبا ما صار ...


المرحله التخصصيه ...هون بتكون كتير تعبت ع حالك ..ووصلت للعملقه ..(عملاق ..مو معلاق )...وبيصير كل شي عندكـ عباره عن مسرح بحجم خيالكـ ..بتوزع الادوار ...وبتعلم الكل* فن التمثيل *



*خدم الوطن ..لانو بيشكل ماده خام ..ما بدها زكا ...


هالماده الخام ..موجوده بكميه ضوخمه ..بحيث عم نصدّر ..كذبه خام ...كذبه نصف مصنعه ...كذبه مصنعه


*احجامو ..عندك من الصغيره ..للوسط ..للكبيره ..للــ زائد لا نهايه


ومجانا مع كل كذبه ..مية كذبه


*خدم جبهات الحياه


الاقتصاديه والعلميه /ضرب جبهتين بكذبه وحده/..ماهو مرض ..ومرّض الي حواليه ..وخود ع طب ..وعلم وفت مصاري


السياسيه ..بينشرلك الف خطاب كاذب ..وبيحول الاوضاع لفراشات وعصافير ..وانته شايفو ..خفاشات ودبابير


الاجتماعيه ..ما رح اشرحلك عم تصادفو كل يوم ..وبدون ضمير ..ولا مره ئلتولو شكــــــرا




*الادله على برئتو..


ولا قانون ولا عرف ...بيحاكمو ...معناها ضمنيا الدنيا كلها تناديكـ لتتبع خطاه...



*الادله على علمو ..


ئد ما انته تعبان ع حالك ..هوه اكتر ..مافي داعي تستنهض التاريخ والعلوم وامجادكـ ...بكذبه بيسبئكـ




تحيه الى هكذا نبلاء



:D

abosleman
26/05/2008, 23:35
تحية كبيرة إلك .. :D

متابع معك باقي السلسلة ..

abosleman
02/06/2008, 00:33
بلدنا احلى بلد ومافي شي احلى من بلدنا بيكفي انها بتواكب كل شي بيصير بالعالم
ارتفاع الاسعار بالعالم صار عنا اسعار مرتفعة دخل الفرد قليل كل البلاد فيها فقر
ارتفاع نسبة البطالة .. دول الخليج بتعاني من البطالة متل اغلب دول العالم ..
دور بأي شي موجود بالبلد بتلاقي بلدان تانية عندا نفس الحالة كمان شعبنا متل باقي
شعوب العالم بحب النق وكتر الحكي .. حتى بهي منتشابهك مو كلنا بني آدمين
بقى بدي اعرف شو بيفرق بلدنا عن باقي البلدان غير بمحبتنا وغيرتنا عليه ..
بس لولا .. .. .. . . . وتطول القائمة

:D

sallohs
02/06/2008, 01:09
الله يعطيكي العافية وبإنتظار باقي السلسلة

اممي
06/06/2008, 13:59
سلسلة النبلاء


/1/ الكـــــذاب



/2/ الــــحرامي



/3/ النـــــدل



/4/ الضـــحيه




وتــــطول القائــــمه ....



تعديل للقائمة لتلائم مجتمعنا

مافي شي اليوم اسم كذاب لان الكذاب ببلدنا اسم حربوق والحربوق عفكرة هوه الي فيه ينفذ حال من اي مصيبة بطريقة ملتوية
حرامي !!! عنا القانون ماعاد خلا حدا حرامي يعني بمعية صاروا الكل مستفيدين وشطار وعم يحاول يحسن وضع الاقتصادي يعني ناس عندون طموح وعفكرة في كتاااااار حرامية بالبلد مومنين انن شغلات كبيرة
الندل :كمان هالمرة مامشي الحال لان نحنا بمجتمع الي بيلطش اخت رفيق بيصير جكلو ويقولو عنو ان حلال عليه والبنت الي بترك حبيبها منشان وشخة مع مصاري بتلاقي تاييد فضيع من عيلتها ومجتمعها وبينقال عنها فهيمة
اما من كلمة ضحية ;)فنحنا ماعاد اتخيلنا غير خروف العيد يعني شي بيمعي وكمان فينا نسمي اجدب او غبيلان لو ماكان غبي ماكان صار ضحية
بدي ضيف للقائمة لسا كلمة
الكريم:الكريم بمجتمعنا هوه الي بتطول تسمية عنا يعني من خروف لمتخورف او المخووورف يعني هاد اداة للاستغلال والركبة وبعد مابيمشي بيصير للمصخرة

اخت هالمجتمع ...شعب بيسوى صرماية :frown:

المحارب العتيق
07/06/2008, 03:41
صدقت . ما أعدت تسميته . هو ما شرحته طفولة . وياريت شفلك شي هون على طول

طفوله
11/06/2008, 21:28
/ فـــاصــل /



من الــواقـــع ..والملاحــظه..كــ انســان ..بتشــوف بمعــاملتكـ مع الاشــيا الجامده بتعــطي نتـيـجه افضــل من النتايــج المتوقــعه من تــعاملكـ مع الانــسان

..يــؤدي...


عنــد الجمــاد صــار فــي اســتجابــه اكبــر ..وعلاقــة الانســان بالاشــيا صــارت أقــوى


..يــعنــي ..


صــار في تجــانس بيــن الانســان والآله اذا بدكـ


..بديهي بيخلئ سؤال..


شــو مبــرر الجــهود العلميــه لصنــع الربوت ؟...مانحــنا آلات متحــركه



/ نئطه /


يمكــن الجهــود كــانت لــ غ ـــايــه غـــير مــ ع ــلنه



لــ ربــما


يــوما ما ..تكــون علاقـــة الربــوت بالــربوت



افضــل من علاقــة



الانســان بــالانســان




.

abosleman
11/06/2008, 21:42
هاد الكلام سليم ... من الواقع اللي عايشينو العلاقات الانسانية انحدرت لاخفض المستويات
والتعامل المادي - مو المقصود المصاري هون - اي شي ممكن تعاملو بمادية بتزايد
يعني العلاقة مع الكمبيوتر مثلا اهم من العلاقة مع الاصدقاء ..
طبعا هو المثال ممكن بعيد شوي او مانو دقيق بس فينا نقيس على هالنمط كتير


هامش : نظرا لاستمرارية الموضوع - ولو انها بطيئة نسبيا - رح يتثبت الموضوع
تشجيعيا ولنشوف المزيد من هالابداعات ..

تحياتي \د\ طفولة ..:D

اممي
12/06/2008, 00:17
ملاحظين قديش في بحيكنا شي بلا طعمة ؟
يعني كيفكن شو اخبارك انشالله بخير الو صباح الخير مساء الخير صحة وهنا وبنرجع بعدها كيفك :sick:وفي اسالة لسا بيجو عالعصب وبيعملو وجع راس مثل فيك شي صاير شي حاسك:jakoush: مكتئب
هاد غير اذا بدها العالم يكون مناح معك لما بتكون واقعلك بشي مشكلة ساعتها بتشتي عليك عبارات شد حيلك يجعلها اكبر المصايب الله يكون بعونك ولايهمك ياجبل ميهزك ريح ...

ولو طولت عليكن لسا في هي العبارات الالاوييه الي ما لقيتها بكل اللغات العالمية والكونية
متل الله وكيلك :frown:!!!يعني كيف الله وشو وليش الله وكيلك ومين انت حتا يكون الله وكيلك لو كان وكيلك يعني شو بدو يعملك ما انت والي الله ووكيلوو تنيناتكن عالاغلب مابتعرفوا الله ...
روح الله لايوفقك :p هاي اكيد سمعانينها او حاكينها وهيك طالعة من قلبكن تمام!!
طيب بالعادة الي بيقول هالعبارة هوه الي الله ماوفقوا علي ايد واحد من عباد فكيف لسا بدو الله يرجع مايوفق...يعني معقولة بيكون الرب خوزقك بخازوقوا الارضي ومن ثم بيرجع بينجر لخازوقو خازوق :shock:؟؟؟القصة بدها منطق ياجماعة :pos:
بنهي الحكي بكلمة يمكن هيه الاجمل بالدنية يعني من الصعب كتير ان بتكون في بكل القاموس شي اجمل منها والي هيه بحبك(وهاي بلاسمايلي )
يالله شو بتجنن هيك كلمة صغيرة بس غير شكل وبعد شوي بتصير بدك تسمعها كتير بس ضعانة رغم صغرها نادرا ماتنحكا وعالاغلب اذا ما انحكت فوراها قصائد شعر عامودي
ماعم بفهم شو دخل الشعر العامودي ببحبك
عفكرة اذا اختصرنا هالعبارات من قاموسنا اليومي بنلاحظ ان نحنا فينا نختصر مالايقل عن 40% من عمرنا ...الفاضي اصلا
صحيح كيفكن اليوم :D

abosleman
13/06/2008, 22:16
بيقولوا انو الحكي ماعليه جمرك ... بس انا عم اعتبرو رفاهية
انك تحكي كتير معناها انك عندك رفاهية الحكي .. وبتقدر تحكي اللي بدك ياه
شو ما بيخطر ببالك تحكي بتحكي وبتتمتع برفاهية الحكي .. بتحس حالك طلعت بمشوار على صيدنايا
لما بتمارس حرية ..!! قصدي رفاهية الحكي ..
كيفك انت ..

TheLight
13/06/2008, 23:47
بتذكر...لما كنت صغير...شوف أمي عم تشرب قهوة...مد ايدي ع الفنجان...أكل كف ع رؤوس اصابعي

(هي مو للصغار!!!)

ولما شوف أبي عم يحلق دقنو...أنطرو ليدير ضهرو..حط كرسي لأوصل ع المراية...أرغي معجون حلاقة...وأأأأي..أكل كف ع قفاي..

(هاد مو للصغار!!!)


بقا خليني عارف حدودي أحسن ما أكل نعرة من أبو سليمان...وزورة من طفوله...

بس كمان تخنتوها...
الموضوع كتير مدسم...وأنا سلفا مكرش ووزني دق بالمية وعشرين...كغ..
وبعدني ناطر كمالة نبلاءنا...


القعدة بحضرة الكبار بتخوف..لأافركها احسن...ونوضر ع الموضوع من ثقب الباب...بس لا تسدو بمحرمة...

:D

abosleman
14/06/2008, 00:01
بتذكر...لما كنت صغير...شوف أمي عم تشرب قهوة...مد ايدي ع الفنجان...أكل كف ع رؤوس اصابعي

(هي مو للصغار!!!)

ولما شوف أبي عم يحلق دقنو...أنطرو ليدير ضهرو..حط كرسي لأوصل ع المراية...أرغي معجون حلاقة...وأأأأي..أكل كف ع قفاي..

(هاد مو للصغار!!!)


بقا خليني عارف حدودي أحسن ما أكل نعرة من أبو سليمان...وزورة من طفوله...

بس كمان تخنتوها...
الموضوع كتير مدسم...وأنا سلفا مكرش ووزني دق بالمية وعشرين...كغ..
وبعدني ناطر كمالة نبلاءنا...


القعدة بحضرة الكبار بتخوف..لأافركها احسن...ونوضر ع الموضوع من ثقب الباب...بس لا تسدو بمحرمة...

:D


معلم حسان انت كبيرنا و لاغنى عن وجودك وانا بعرف انك قادر على انك تدهشنا
بقى هالتواضع اللي كتير اكتر من المعقول بدك تشيلو على جنب وتشمر عن ايدك
وناطريين منك شي تدهشنا فيه متل ما بعرفك .. وبتعرف كمان انو انو فيك تكتب اي شي بالموضوع
نقلا عن صاحبة الموضوع الحرية المشاركة للجميع فكيف إذا كنت انت ..;)

مية :D لوجودك

VivaSyria
14/06/2008, 00:05
ناطر لإندهش... :larg:

المحارب العتيق
14/06/2008, 19:05
أختبر نفسك هل أنت مثقف سوري شاب

ان لم تكن تحمل صورة لغيفار فأنت لست مثقف

ان لم يكن مثلك الأعلى زياد الرحباني فأنت لست مثقف

ان لم تهاجم الدين في أي حديث يذكر فيه فأنت لست مثقف

ان لم تدافع عن المرأة في أي نقاش فأنت لست مثقف

ان لم تستمع لأغاني غير مشهورة لمغنين عرب فأنت لست مثقف

ان لم تتبنى نمط غنائي غربي فأنت لست مثقف

ان لم تحاول كشاب أن تطيل شعرك . وكبنت أن تقصريه فأنت لست مثقف

ان لم تكثر من أدخال كلمات أجنبية أثناء حديثك فأنت لست مثقف

ان لم تدخن الحمراء الطويلة أو الغليون فأنت لست مثقف

فياترى هل أنت مثقف بنظر أغلب المثقفين السوريين الشباب

طفوله
07/07/2008, 00:07
الــ ح ــــرامــــي



شــخص متــفوق ..


اتفــوق ع التاريــخ وسرئ الـــحئيئـــه

اتـفــوق ع الجــغرافيـه سرئ الخـــريطه

اتــفوق ع االقــوميه وسرئ المشــاعــر الــوطنيــه


ع الرياضيات .. ع النظــريات


الــغى الطلـــب


فرض الــفرض


ولا داعــي للــبرهان



ع الـــعــلوم .. ع الجينــات .. ع تهجــين المورثات .. اثبت علــم الوراثــه .. بطريئــه عبــقريــه .. واقعــيه



حـــرئ مــراحــل


لكـ اتفــوق عليــنا


وع نفســـه

.

صــفــاتــو .. ع الصــعيــد الــ ع ــام والــخاص .. مختــصره بــ كلمــه



مخلّــــص


قــناعــو واحــد ( ارحــم من النبــلاء القــدامى .. كانــو الف قــناع وبدكـ الــف سنه لتكشــف النقاب ع الوجه الحئيئي )


قناعــو مخلــص



النتــيجه واحــده


انتـــه


خـــــــــــــالــــص

.

بيعطيــكـ العقــار الرحيــم .. ابــره بتــضرب فيكـ من اجدادكـ لــ احفادكـ


ويــــزول الالــم



مـــراحــل تطــورو .. بيبلـــش بالمعنــوي


بيــروجلكـ لمفهــوم جديــد لكــرامة العيــش .. وعــزة النفــس


بيريحــك من حالكـ بحيـث ..



ابتســامتكـ ما بيوفــرهـا .. بيسرئــها

بنات افكاركـ ..ما بيوفــرهـا .. ( ع اقــل تــقديـر )بيسرئــها


انسانيتكـ


طــموحكـ


مسـتقبلكـ


فــرحتكـ

.

بيسرئــها

.

حــتى .. بكــرا .. والفــرصــه .. كلون بشيل همون عنكـ .. وانتــه اخر هــمو


وبيصيـر ســهل يتــاجر بالبــائي .. (اعضاء ..قلب .. مخ.. وهدول المسخرات) ..


الرصيد النهائي للئسمه دايمــا واحد باليــد


واي يــد ..!




اجتماعيا .. هوه محترم من قبل الجميــع بس مو آخد كامــل حقوقو .. لازم نحترمو اكتــر .. وانشالله المحروميـن بيحترمــوه


قانونيــا ..

الحــرامي المعنــوي لا يــعاقب .. كــ خطــوه لتشجيـع الاستيراد والتصدير الانساني


الحــرامي الصــغير يــعاقب لانــو ما عـرف يســرئ .. وشــوّه اسم المهنه


الكبيــر .. هاد كـــبييــر يا استاذ .. كــبيــر



كلمــة سرو .. الفــرئ بالنسبه الو بين الوسيله والهدف


.. عكس مفهوم النبلاء القــدامى .. وداس ع الهدف وغرزو بالقــاع ..كرمال يطلع بالوسيله للقمــه




. قــمــة النبــل .





...

راديا
07/07/2008, 00:34
و الله زمااااااااااااااااااااااا اااااااااااااااااااااان

طفوله
14/07/2008, 12:12
/ فـــــاصـــــل /




شــكـــرا



بالـــعـــاده منــئــولها لــمــا حـدن بيــعمــل تــصرف بيــدل انــو هوه طــيب وابــن نــاس وخــدمنا


بــس الاولــويــه لـيــــست الــو .. لأنــو بالاصــل هـــوه شــخص راقــي مــو منتــظــر من حضــرتكـ شـكــرا


(غــالبــا هيـكـ ناس بيــعملــو المنيــــح لانــون هيكـ بغــض النظــر عنــكـ )



شــكــرا التـــئــيله


بتــنئــال لــما بتــعمــل فعـــل ايــجابــي .. وبيـجــيكـ رد الفعـــل سلــبي بــحت .. وبــدون مــبرر مقــنــع



انــو مســتــئــل حضــرتكـ بــحــب الايــثــار الــي عــندو ..والتـضحــيه بــصــورتــو



ســخــر نفـــــســو كــمثــال مجـــسـّـد لكــل شــي سلــبي بالكــون



مثــال تــانــي



للــحــياه .. وئـت بتــعطيــكـ .. شــعــور ضــمنــي بيــحسسـكـ انــو شكــرا ئليليه .. ارحــم نســكت .. او نئــول كلــمــه كــافيــه اكــــتر مــن شــكـرا



وئــت بتــاخــد منــكـ .. وبتضــغط عليــكـ من كــل الجــهـات .. بالأخــير بتصــقلكـ وبتــعـلــمكـ .. هــون مــن اول ما تبــلــش الأخــد منــكـ .. فيــكـ تـئــول شـكــرا بــ جــرأه ... بــ ثــقــه




.

فــ شــكــرا

المحارب العتيق
16/07/2008, 14:34
بيقولوا أنو المشي مفيد
ومفيد بأكتر من شغلة
فهو بيساعد على تخفيف الوزن
وبيساعد على اذابة الشحوم يلي بتتركز بأماكن معينة بالجسم

وبيساعد على دورة دموية منتظمة
طبعا هاد الكلام بينطبق على المشي للأمام
طيب شو مشان المشي للخلف ؟
هلأ العلماء ماقدروا يلاحظوا أي نتيجة للمشي للخلف أو المراوحة في المكان
أو حتى بما أنو المشي للأمام بيخفف الوزن . ان كان المشي للخلف بيزيد الوزن
بس أي متابع لوضعنا حيلاقي أنو من المؤكد وجود تأثيرات جانبية للمشي للخلف. أو حتى المراوحة
بسهولة فيك تشوف ازدياد نسبة الفقر
وازدياد نسبة البطالة
وحتى أرتفاع معدلات الجريمة
زيادة وزن موطبيعية بحاجة لريجيم أفضل من ريجيمات الخطط الخمسية . لأنها أثبتت فشل كبير حتى الأن بل على العكس باتت وكأنها أحد أسباب السمنة الزائدة
لكن الأخطر على مجتمعنا
هو أضطراب الدورة الدموية
مما يجعل المخاوف كبيرة من حصول جلطة توقف الدورة الدموية
فالدورة الأقتصادية عندما لاتكون كاملة . وتعود للقلب حتى ينقيها ويخرجها من جديد تصبح مخيفة
لأن أي جهاز أخر في الجسم غير القلب . لايستطيع أن يقوم بعمل القلب
حتى لو كان بحجم رازق مرزوق أو أشباهه
لأن القلب وحده من يستطيع عمل ذلك
بعدين ماحدا يقول أنو كلامي مغلوط
القصة متل عملية ضرب على الوتر الحساس بالرياضيات
اذا بدلنا طرفي العملية , ضلت النتيجة واحدة
يعني اذا بدك تشوف نتيجة المشي للوراء بتطلع معك النتائج المذكورة
واذا بدك تعرف أسباب النتائج المذكورة بتلاقي السبب أنو عم نمشي للوراء بدل الأمام
هلأ المهم هو الدواء
الدواء مالئيتو
بس بما أنو المشكلة بالمشي
فأنا بنصح بالمشي
أكيد كل واحد فينا بيمشي
بس أنا بنصح بالمشي لبرات البلد
هاد حل فردي . وممتاز لحد هلأ
يلي جربوا خبروني بأنو ممتاز
ودمتم

LiOnHeArT.3LA2
08/08/2008, 15:26
ما رح اعمل UP لانو مثبت ..

هون .. وبعقولنا .. وبمجتمعنا ..


ناطرين جديد .. ان وجد

YaSeR
18/08/2008, 23:51
كتير حلو .. وكتير معبر .. وكتير واقعي ...

احلا موضوع قريتو بأخوية من زمااان ..

بالانتظار .. على أحر من الجمر

المحارب العتيق
27/08/2008, 21:16
كل فترة بيطلع مراقب بيصرح بوسيلة أعلام : أنو البنزين غلي بس المازوت خط أحمر

وبعد بفترة بيطلع بيصرح : أنو المازوت غلي بس الخبز خط أحمر

وبمرة تالتة : أنو الغلاء موجود بس لقمة المواطن خط أحمر

أنو شو يعني خط أحمر !!!؟

وليش الخط الاحمر عم ينتقل ويتغير كل فترة وفترة

مابعرف ليش بيذكرني هالخط الاحمر . بالخط الأزرق بجنوب لبنان

يلي بينحمل وبينحط متل ماكل واحد شايفو

من جهة هو موجود والكل معترف بوجود خط

ومن جهة تانية بينخرق الخط بدافع أنو ترسيمو غير صحيح

بأختصار الخط موجود بس مو موجود

أو ليكون الخط شفاف مو أحمر ... أنت شايفو أحمر بس هو شفاف . غير واضح . ومتغير

أنا حابب ناقش الخط الأحمر بطريقة تانية

بما أني بعرف . ومدرك , ومتأكد بحكم فراستي ( على فكرة كتير قوية ) . أنو نيتك سليمة

بس ماعم تقدر تعبر . وعم يخونك المصطلح . والواقع . وحتى الخط الأحمر

مشان هيك بدي ساعدك وأقترح عليك ... يا أخي أقتراح صغير . نوصل فيه لنتيجة مع هالخط

شو رأيك ننقلو أول شي . من خط أحمر جزئي . بيحمل شيء معين أني

لخط أحمر اشمل . بيسع بيقلبو كتير من الخطوط الحمر المذكورة

شو رأيك نساوي خط أحمر للفقر . أو لدخل الفرد . وهيك منكون عملنا خط بيسع كل الخطوط المذكورة

أو نساوي مثلا مثلا . خط لنسبة البطالة . وهيك منكون وفرنا شوي تفكير بالخط . طالما في شغل , وفي أنتاج . وفي دخل

وبما أنو الخط عم يخونا . على شوي مو واضح . وشوي شو سقفو . وشو خطو النهائي لهل الخط

رح نحددوا

منعمل مثلا خط للفقر بيتحدد بيقمة معينة للدخل . يجب أن لايقل عنها

وهيك منكون عم نشتغل على خط . ورقم . ونسبة واضحة

والخط الأحمر بيصير رقم واضح يجب العمل عليه

متل إذا عملنا خط أحمر لنسبة البطالة . بيطلع عنا رقم واضح ممنوع أجتيازو

وهيك من كون تحولنا من جدلية الخط الأحمر . لخط أحمر واضح برقم واضح

( يعني هيك منكون عملنا الخط رقمي ديجيتال . وبهي الطريقة منكون ضمنا أنو شغلنا وخطنا صح )

هي فكرة صغيرة . بتساعد بتوضيح جدلية الخط الأحمر

وهيك بيصير الخط واضح . وضوح خط سيرتيل

بما أنو معي خطين حمر . واحد سيرتيل والتاني سيرتيل

ودمتم

abosleman
02/10/2008, 02:24
بيقولوا كترة الطباخين بتنزع الطبخة
وبيقولوا كمان بطيختين بأيد وحدة ما بينحملو

هلئ نحن دولة مؤساسات ؟؟ وشوهي ديمقراطية ؟
حدا يشرحلي ..

طفوله
02/10/2008, 02:42
بيقولوا كترة الطباخين بتنزع الطبخة
وبيقولوا كمان بطيختين بأيد وحدة ما بينحملو

هلئ نحن دولة مؤساسات ؟؟ وشوهي ديمقراطية ؟
حدا يشرحلي ..





بــسـيطـه


مؤســســات للطـبـاخــين


و


ديـقـراطـيـه فـي اختيـار البطــيـخ



:D

طفوله
02/10/2008, 02:53
أنو شو يعني خط أحمر !!!؟


وليش الخط الاحمر عم ينتقل ويتغير كل فترة وفترة





من جهة هو موجود والكل معترف بوجود خط


بأختصار الخط موجود بس مو موجود




أنا حابب ناقش الخط الأحمر بطريقة تانية





شو رأيك نساوي خط أحمر للفقر . أو لدخل الفرد .


ودمتم










شــو رئيـك مـا نكـلفـون فيـنـا .. ونخـتصـر بنئـطـه ..


هـلئ معـك انـا بـوجـود خـط .. احـلى لـو تمـيز لـونـو .. هيـك بيشـبـه هاد اللـي بيحطـوه جنب صـورة حـدا انتـئـل لرحـمـتو .. وطـلع مـن رحـمـتون



فــ هــون النـئـطـه



:D

طفوله
02/10/2008, 02:58
كتير حلو .. وكتير معبر .. وكتير واقعي ...

احلا موضوع قريتو بأخوية من زمااان ..

بالانتظار .. على أحر من الجمر





كتيــر هــلا


احــلا حضـور


يتــبـع ..


:D

طفوله
02/10/2008, 03:00
ما رح اعمل UP لانو مثبت ..

هون .. وبعقولنا .. وبمجتمعنا ..


ناطرين جديد .. ان وجد





هــوه مــن جــد وجــد


:D

طفوله
02/10/2008, 03:09
طيب شو مشان المشي للخلف ؟
هلأ العلماء ماقدروا يلاحظوا أي نتيجة للمشي للخلف أو المراوحة في المكان
أو حتى بما أنو المشي للأمام بيخفف الوزن . ان كان المشي للخلف بيزيد الوزن
بس أي متابع لوضعنا حيلاقي أنو من المؤكد وجود تأثيرات جانبية للمشي للخلف. أو حتى المراوحة
بسهولة فيك تشوف ازدياد نسبة الفقر
وازدياد نسبة البطالة
وحتى أرتفاع معدلات الجريمة
زيادة وزن موطبيعية بحاجة لريجيم أفضل من ريجيمات الخطط الخمسية . لأنها أثبتت فشل كبير حتى الأن بل على العكس باتت وكأنها أحد أسباب السمنة الزائدة
لكن الأخطر على مجتمعنا
هو أضطراب الدورة الدموية
مما يجعل المخاوف كبيرة من حصول جلطة توقف الدورة الدموية
فالدورة الأقتصادية عندما لاتكون كاملة . وتعود للقلب حتى ينقيها ويخرجها من جديد تصبح مخيفة
لأن أي جهاز أخر في الجسم غير القلب . لايستطيع أن يقوم بعمل القلب
حتى لو كان بحجم رازق مرزوق أو أشباهه
لأن القلب وحده من يستطيع عمل ذلك
بعدين ماحدا يقول أنو كلامي مغلوط
القصة متل عملية ضرب على الوتر الحساس بالرياضيات
اذا بدلنا طرفي العملية , ضلت النتيجة واحدة
يعني اذا بدك تشوف نتيجة المشي للوراء بتطلع معك النتائج المذكورة
واذا بدك تعرف أسباب النتائج المذكورة بتلاقي السبب أنو عم نمشي للوراء بدل الأمام
هلأ المهم هو الدواء
الدواء مالئيتو
بس بما أنو المشكلة بالمشي
فأنا بنصح بالمشي
أكيد كل واحد فينا بيمشي
بس أنا بنصح بالمشي لبرات البلد
هاد حل فردي . وممتاز لحد هلأ
يلي جربوا خبروني بأنو ممتاز
ودمتم




جمــيـل جــدن


واحـد مــن 2


امـا المـشـي للخـارج


او تشــتري خـســه وتتـمـشـى جواتــا



بـس كــلو بســعـرو .. اذا مـا مـعـك .. مافـيك للــ 2



بتســتاهـل اكـرر الــ :D

طفوله
02/10/2008, 03:10
و الله زمااااااااااااااااااااااا اااااااااااااااااااااان







ايــــــــه

طفوله
02/10/2008, 03:13
أختبر نفسك هل أنت مثقف سوري شاب

ان لم تكن تحمل صورة لغيفار فأنت لست مثقف

ان لم يكن مثلك الأعلى زياد الرحباني فأنت لست مثقف

ان لم تهاجم الدين في أي حديث يذكر فيه فأنت لست مثقف

ان لم تدافع عن المرأة في أي نقاش فأنت لست مثقف

ان لم تستمع لأغاني غير مشهورة لمغنين عرب فأنت لست مثقف

ان لم تتبنى نمط غنائي غربي فأنت لست مثقف

ان لم تحاول كشاب أن تطيل شعرك . وكبنت أن تقصريه فأنت لست مثقف

ان لم تكثر من أدخال كلمات أجنبية أثناء حديثك فأنت لست مثقف

ان لم تدخن الحمراء الطويلة أو الغليون فأنت لست مثقف



فياترى هل أنت مثقف بنظر أغلب المثقفين السوريين الشباب







هــلئ اللــي بـدو ينجـح بالأختبــار لازم يحــئئ الــ 9



!

طفوله
02/10/2008, 03:17
تحية كبيرة إلك .. :D

متابع معك باقي السلسلة ..









الله يعطيكي العافية وبإنتظار باقي السلسلة







/ :D /

طفوله
02/10/2008, 03:23
بقى بدي اعرف شو بيفرق بلدنا عن باقي البلدان غير بمحبتنا وغيرتنا عليه ..
بس لولا .. .. .. . . . وتطول القائمة




:D




خــســى والـمـوت ارحــم .. بــس 9 نئـط بـعـد الـ لـولا ..


شـكـلك مــاعــم تــرجــع لــورا مــتـر


لا تـعـتب ع اللــي اخــدوكـ غــدر



.

طفوله
02/10/2008, 03:46
بدي ضيف للقائمة لسا كلمة
الكريم:الكريم بمجتمعنا هوه الي بتطول تسمية عنا يعني من خروف لمتخورف او المخووورف يعني هاد اداة للاستغلال والركبة وبعد مابيمشي بيصير للمصخرة






يحضــرنــي ئصــة عــن حــاتــم الطـائــي


هــاد يا سيـدي بعـد مـا اتـوفــى حـاتــم الطـائـي .. قــرر اخـوه مـا يسـكـر المضـافـات اللي كـانت بـزمـن حاتم .. فــ راح لــ عنـد امــو .. وئـلـهـا .. مـامـا ..بــدي افــتح المضـافـات والطـاولات اللي كــان يفتـحـها اخــي المـرحـوم ببـيتـي

فـ اشـارت بــراسـها انــو ( هـاه .. لأ مـا خـرجـك )


ئـلهـا ..مـامـا .. ليـه ؟


جـاوبـت بعـديـن بتـعـرف .. بــس مـا مـا خـرجـك


المـهـم

فـتـح الاخ مضـافـات وطـاولات .. وئصص .. عـم ئـلك ..


رجــع لعـند امـو .. ئـلـهـا ليكـينـي فـتحـت وعمـلت


رجـعـت اشـرتـلو بـراسـها انــو لأ


بـعد فــتره شــاف الأخ الئصـه مــا وفــت معــو .. اكــل وشـرب واسـتضـافه ببــلاش .. سكـر ع كــل شــي .. ومــشي


بالنــهـايـه


رجــع لـعـند امــو .. ئـلهـا .. بــس بــدي اعــرف ليــه كنتــي مصـرّه .. انــو ما خـرجــي


ئــالتـلو .. يـا ابنــي .. اخــوك لـمـا كــان يـرضـع بطـفـولتـو .. كــان ما يـرضــى يـرضـع الا بـعـد ما يخـلي ابـن الجـيران يـرضـع معـو

انتـــه بطـفـولتـك .. كــنت تضـرب اي ولـد يحـاول يـرضـع معـك


وبـعـد هالئـصـه


بتـوقـع انــو صـاحبنـا كـان مـا يـرضـى يـرضـع الا مــن ببـرونـه مـسـاحـتها 185,180 كم مربع



ويضـرب اي حــدا بيفـكـر يشـاركــو .. مجـرد تفكـيـر .. ضـربـه قـاضـيـه


ومـخـورف الـكـل وحـيـاتك




:D

طفوله
02/10/2008, 03:55
هاد الكلام سليم ... من الواقع اللي عايشينو العلاقات الانسانية انحدرت لاخفض المستويات
والتعامل المادي - مو المقصود المصاري هون - اي شي ممكن تعاملو بمادية بتزايد
يعني العلاقة مع الكمبيوتر مثلا اهم من العلاقة مع الاصدقاء ..
طبعا هو المثال ممكن بعيد شوي او مانو دقيق بس فينا نقيس على هالنمط كتير


هامش : نظرا لاستمرارية الموضوع - ولو انها بطيئة نسبيا - رح يتثبت الموضوع
تشجيعيا ولنشوف المزيد من هالابداعات ..

تحياتي \د\ طفولة ..:D






هــالـرد بيـزكـرنـي بفـتـره حـاسـمـه بحـياتــي


ابـو الســوس ..


:akh:

طفوله
02/10/2008, 04:03
بنهي الحكي بكلمة يمكن هيه الاجمل بالدنية يعني من الصعب كتير ان بتكون في بكل القاموس شي اجمل منها والي هيه بحبك


يالله شو بتجنن هيك كلمة صغيرة بس غير شكل

وبعد شوي بتصير بدك تسمعها كتير بس ضعانة رغم صغرها نادرا ماتنحكا وعالاغلب اذا ما انحكت فوراها قصائد شعر عامودي
ماعم بفهم شو دخل الشعر العامودي ببحبك
عفكرة اذا اختصرنا هالعبارات من قاموسنا اليومي بنلاحظ ان


نحنا فينا نختصر مالايقل عن 40% من عمرنا ...الفاضي اصلا
صحيح كيفكن اليوم :D





اضــف لــقـامـوسـك ربــط بيــن الاخــتصــار وكـلمـة بـحـبـك



...


لما يكــون دوران الحــيـاه


مــن .. بـــــح .... للــ ..حــب


بتـحــس انــو اخــتصـرت الحــيـاه


...


ولــمــا يكــون دوران الحــيــاه بعكــس الاتجــاه


مــن .. حــب .. للــ .. بــح


بتحــس انــو الحــيـاه اخــتصــرتكـ






.

طفوله
02/10/2008, 04:10
بتذكر...لما كنت صغير...شوف أمي عم تشرب قهوة...مد ايدي ع الفنجان...أكل كف ع رؤوس اصابعي

(هي مو للصغار!!!)

ولما شوف أبي عم يحلق دقنو...أنطرو ليدير ضهرو..حط كرسي لأوصل ع المراية...أرغي معجون حلاقة...وأأأأي..أكل كف ع قفاي..

(هاد مو للصغار!!!)


بقا خليني عارف حدودي أحسن ما أكل نعرة من أبو سليمان...وزورة من طفوله...

بس كمان تخنتوها...
الموضوع كتير مدسم...وأنا سلفا مكرش ووزني دق بالمية وعشرين...كغ..
وبعدني ناطر كمالة نبلاءنا...


القعدة بحضرة الكبار بتخوف..لأافركها احسن...ونوضر ع الموضوع من ثقب الباب...بس لا تسدو بمحرمة...

:D





هــي النـوضـره .. بتوجـه النظــر ع مـركــز الفكــره .. كــون الحـاضـريـن .. عــم يجيـبـوهـا بالنــص الله وكيلك



ويبـاركـلك بــوزنـك




:D

طفوله
02/10/2008, 04:13
ناطر لإندهش... :larg:





مـا بنـصـح .. لـ صحــتكـ

Abu ToNi
02/10/2008, 04:22
استيقظ في كل شتاء متثاقل الجسد غافي العينين
لارتدي ثيابي واحمل كتبي منطلقا إلى منهل العلم والثقافة .. الجامعة
وانا في الطريق
القي التحية على (( ابو عبدو )) ولمن لا يعرف ابو عبدو .. ابو عبدو هو الخباز الذي في حيّنا
أراه حاملا رغيف الخبر بيده اليسرى .. بعد ان فقد اليمنى اثناء عمله باحدى الآلات ال (( جربانة )) على حد تعبيره
القي عليه تحية الصباح
فيجيبني بغصة في صوته (( الحمد لله ))

استمر بالسير فرحا ومسرورا وانا اقول (( ما اجمل الحياة ))

مــجــنــون
10/11/2008, 20:59
في عصفورية هون و مالي خبر :o

احجزولي كرسي راجعلكن

abosleman
26/03/2009, 00:28
مجموعة كبيرة ويمكن تكون صغيرة متفوقة حتى على حالها
موجودة بكل زمان وبهذا المكان وبكل مكان حتى انك تكاد لا تراها
بحبو النجومية وبيكرهو التنجم على وزن التفعل
جماعة عايشين عالموضه انو ايه في موضه مو طبيعية
موضة شخصيات وكركتير ..ما بعرف إذا هدول بيصبو بنفس المعنى بس ... !!
المهم انو في موضة .. وموضة طاغية بإرادتن .. هلئ مشان ما نفوتكن بالحديث
المهلهلون هم اصحاب الموضة .. وهنن اللي بمشوها .. وجب التوضيح حتن ما ننفهم غلط
إرادتن كإرادة الله بل تكاد تكون اشد إرادة من إرادة الرب ..
وين بتشوفهن .. وين ما بدك انت بس طلع منيح بتلائيهن .. وين في حدا دارج وعم تتدرج موضتو
بتلائيهن وراه ... ويمكن قدامو .. ويمكن .. انت بس طلع وما عليك بتشوفهن
إذا ما شفتهن فبيكونوا وراك وبيكون جاييك الدور فدير بالك ..
اما من هم المهلهلون .. فهم .. اطلع حواليك منيح .. كتير منيح بتعرفهن
بتلائيهن بوجهك .. انو بدون ما تفكر كتير .. فكر بس بعمق شوي .. بتعرفهن
وبتسمع التهليل .. و اذا ما شفتهن فعذرا منك .. يعني ..
إذا محدا فهم شي .. فعادي .. محدا يستغرب .. بيكفي ..
بيكفي ... بيكفي ... بيكفي ..




هذه الحشيشة مهداة إلى كل من ساهم في إنجاز هذا الإنجاز
ولـ .. طفولـــه .. صاحبة الحشيشة الاولى هنا

وولنشرب نخب حشيشة زرعها الله في رحم الذاكرة

وعجبي ..



هامش : تم حذف بعض المقاطع حرصا على السلامة الاخوية ..

sandra
09/05/2009, 19:08
على سيرة المهللين في عنا بالطرف التاني جماعة " هللولي "
أنو يا عمي منكون قاعدين جمعة ظريفة لتبادل أطراف الحديث ...على أساس
بتلاقي كم شخص أو أحياناً شخص واحد من جماعة "هللولي" ماسكين زمام الحديث عن انجازاتهم وآرائهم وشعاراتهم وأنت ما عليك غير أنك تشوف وتسمع وتصفقلو وتهللو على أساس أنو عم يحكي شي يا لطيف
يا عمي أنا لما بقول إني ما بحب هالجماعة ... الناس بتظني غيرانة وأنا برفض غار من هيك أنماط، الـ أنا عندها بالظاهر قوي بس بالصميم ضعيف جداً بدو إرضاء وما بيرضى إلا من خلال تهليل الآخرين وبالتالي هنن أكتر الناس حاجة للآخرين " المهللين"
بس هلا صرت صدق إني فعلاً ممكن كون عم غار ... يا جماعة أنا وغيري بهيك قعدات في النا احصة من الحديث، فلو سمحتو يا جماعة " هللولي " فيكم تاخدو حصة " المهللين" بس لا تاخدولي حصتي

وهلا مشان ماصير متلون و آخد حصة غيري، رح اعطي الشفة الأخيرة من الحشيشة لـ طفولة ....

:D

المحارب العتيق
18/07/2009, 02:52
قبل وابتسامات كثيرة وعميقة ... بل وغريبة

هي مامن المتوقع أن نشاهده بعد فترة قريبة عندما ياتي سعدو الحريري الى دمشق

قبل الأن وقف وليد بيك ليتهم دمشق بدم والده . وليش على الجيش السوري في لبنان ( ان ذاك ) جهاده المقدس

لكنه عاد ليصبح الحليف الأول لدمشق لفترة طويلة جدا

ومنذ فترة لم تكن بعيدة . كان العماد عون في دمشق . الذي ضحك حتى بان سنه الأخير (كما قال البعض )

بعد سنين طويلة من الهجوم عليها . وكل محاولات النيل منها

لكن دمشق عادت لتكون كما كانت مع البيك وليد . قلب العروبة النابض . والبعد الجيوسياسي اللبناني

والان وبعد سنين من الحملة الاعلانية الدعائية للحرية والسيادة والإس تئلال تعود القصة لتكرر نفسها من جديد

الحريري سيكون في دمشق .... مع كم هائل من القبلات والضحك .. وربما الأسنان الاخيرة

ومن كان المتهم الأول لكل عمليات القتل . سيصبح الشقيق الأكبر

وكل من كانوا يسمون وتضع صورهم على انهم شهداء الإس تئلال

ربما سيصبحون شهداء كرسي رئيس الحكومة لسعدو ( بما أنو مختصرهم كلهم بتوابع لأبوه )

سيبيع دم والده ( لانه كان يقول بأنه متأكد بأن سوريا هية من قتلته ) مقابل الكرسي والحكومة والمصالحة السورية السعودية ( وبيجوز تكون قناعتو فجأة الحي أبقى من الميت )

طبعا سيعود الشعب اللبناني الشقيق ( من اكثر الشعوب العربية ثقافة ) ليعامل الشعب السوري كشقيق . ويغني له سوا ربينا . ( بعد مقتل العديد من العمال السوريين الأعداء )

وستعود هيفا واليسا والفور كاتس للغناء في سوريا ( وهزي يا أخوة )
.
.
.
.
.
.
.
.
.
.
عذرا
فلست كمان سيظنني البعض
ضد التسامح والتصالح وجميع أنواع التكويع السياسي
لكني انسان محقون
بأني عدو لها الشعب اللبناني الشقيق
هذا على الاقل ماحقنني به بأعلامهم منذ فترة جيدة
سياسيو بيع الاباء وسياسيو الضحك والقبلات

طفوله
05/10/2009, 07:44
استيقظ في كل شتاء متثاقل الجسد غافي العينين
لارتدي ثيابي واحمل كتبي منطلقا إلى منهل العلم والثقافة .. الجامعة
وانا في الطريق
القي التحية على (( ابو عبدو )) ولمن لا يعرف ابو عبدو .. ابو عبدو هو الخباز الذي في حيّنا
أراه حاملا رغيف الخبر بيده اليسرى .. بعد ان فقد اليمنى اثناء عمله باحدى الآلات ال (( جربانة )) على حد تعبيره
القي عليه تحية الصباح
فيجيبني بغصة في صوته (( الحمد لله ))

استمر بالسير فرحا ومسرورا وانا اقول (( ما اجمل الحياة ))





الـحـمـد لله .. مـا أجمــل الحيـاة ..


والشـمـس تشـرق


مــن الجــنـوب



مـن الجــنـون

طفوله
05/10/2009, 07:45
في عصفورية هون و مالي خبر :o

احجزولي كرسي راجعلكن





... :D ...

طفوله
05/10/2009, 07:53
مجموعة كبيرة ويمكن تكون صغيرة متفوقة حتى على حالها

موجودة بكل زمان وبهذا المكان وبكل مكان حتى انك تكاد لا تراها
بحبو النجومية وبيكرهو التنجم على وزن التفعل


جماعة عايشين عالموضه انو ايه في موضه مو طبيعية
موضة شخصيات وكركتير ..ما بعرف إذا هدول بيصبو بنفس المعنى بس ... !!


المهم انو في موضة .. وموضة طاغية بإرادتن .. هلئ مشان ما نفوتكن بالحديث



المهلهلون


هم اصحاب الموضة .. وهنن اللي بمشوها .. وجب التوضيح حتن ما ننفهم غلط
إرادتن كإرادة الله بل تكاد تكون اشد إرادة من إرادة الرب ..

وين بتشوفهن .. وين ما بدك انت بس طلع منيح بتلائيهن .. وين في حدا دارج وعم تتدرج موضتو
بتلائيهن وراه ... ويمكن قدامو .. ويمكن ..


انت بس طلع وما عليك بتشوفهن
إذا ما شفتهن فبيكونوا وراك وبيكون جاييك الدور فدير بالك ..

اما من هم المهلهلون .. فهم .. اطلع حواليك منيح .. كتير منيح بتعرفهن
بتلائيهن بوجهك .. انو بدون ما تفكر كتير

.. فكر بس بعمق شوي .. بتعرفهن


وبتسمع التهليل .. و اذا ما شفتهن فعذرا منك .. يعني ..
إذا محدا فهم شي .. فعادي .. محدا يستغرب .. بيكفي ..
بيكفي ... بيكفي ... بيكفي ..




هذه الحشيشة مهداة إلى كل من ساهم في إنجاز هذا الإنجاز
ولـ .. طفولـــه .. صاحبة الحشيشة الاولى هنا



وولنشرب نخب حشيشة زرعها الله في رحم الذاكرة

وعجبي ..



هامش : تم حذف بعض المقاطع حرصا على السلامة الاخوية ..







... :akh: ...

طفوله
05/10/2009, 08:03
على سيرة المهللين في عنا بالطرف التاني جماعة " هللولي "


أنو يا عمي منكون قاعدين جمعة ظريفة لتبادل أطراف الحديث ...على أساس


بتلاقي كم شخص أو أحياناً شخص واحد من جماعة "هللولي" ماسكين زمام الحديث عن انجازاتهم وآرائهم وشعاراتهم وأنت ما عليك غير أنك تشوف وتسمع وتصفقلو وتهللو على أساس أنو عم يحكي شي يا لطيف



يا عمي أنا لما بقول إني ما بحب هالجماعة ... الناس بتظني غيرانة







وأنا برفض غار من هيك أنماط،









الـ أنا عندها بالظاهر

بس بالصميم ضعيف جداً بدو إرضاء وما بيرضى إلا من خلال تهليل الآخرين وبالتالي هنن أكتر الناس حاجة للآخرين " المهللين"


بس هلا صرت صدق إني فعلاً ممكن كون عم غار ... يا جماعة أنا وغيري بهيك قعدات في النا احصة من الحديث، فلو سمحتو يا جماعة " هللولي " فيكم تاخدو حصة " المهللين" بس لا تاخدولي حصتي



وهلا مشان ماصير متلون و آخد حصة غيري، رح اعطي الشفة الأخيرة من الحشيشة لـ طفولة ....

:D









بيــلزمــنــي نفــس عـمـيــق جــدن للســحبـة الأخـيـره .. لكــن ســأطـلقـهـا




:akh: